“المعلم” سعد لمجرد مشدود من الصباح ديال اليوم ففرنسا بتهمة اغتصاب واحد البنت فالأوطيل اللي نازل فيه ففرنسا (ماريوت شانزيليزيه)، نكملو معاكم التفاصيل راه مشدود عند الشرطة القضائية فكوميسارية “لا فوال”92” وبداو شي مغاربة كيمشيو للكوميسارية يتضامنو معاه، غادي يدوز 48 ساعة فالكوميسارية ونهار الجمعة فالصباح غادي يدوز عند النيابة العامة.
مصادر فباريس قالت بلي تحركات كبيرة على مستوى السفارة والقنصلية ديال المغرب فباريس باش يسترو داكشي ويخرج سعد لمجرد بهدوء وشكيب بنموسى شخصيا بغا يخرجو، لكن بوليس فرنسا معندهومش مع باك صاحبي واصرو على تطبيق القانون، المشكلة ان “المعلم” حصل بطريقة الأفلام حيت استعملو كاميرات المراقبة ديال أوطيل “ماريوت شانزيليزيه” وثبتو عليه محاولة الاغتصاب التفاصيل الأخرى معارفها غير هو وهي.. وكاين شي خبيرات على ان القضية فيها الكوكايين والطاسة..
لمجرد طلع “ماشي ساهل” فهادشي ديال العنف الجنسي، وسبق لسعد انه حاول شي مرة فتونس يغتصب شي فتاة وتحرش بيها لولا تدخل الأصدقاء بشي بركة د الأورو، واللي كيعرفوه الناس انه عندو سابقة فلميريكان مازال ما تحل المشكل فيها واخة سعد عرض 200.00 دولار على الضحية اللي كتطلب 500.000 دولار، “المعلم” غيحاول يفكها بالأورو هاد المرة عاوتاني..
