فضيحة مدوية إنفجرت هذا الأسبوع بمجلس النواب قبل انطلاق سنته التشريعية الشهر المقبل .
الأستاذ الجامعي والمحلل السياسي عمر الشرقاوي قال في تدوينة على حسابه الفايسبوكي أن البرلمانيين يستفيدون شهريا من تعويض جزافي إضافي محدد في 1200 درهم، وهو التعويض الذي يصرف لهم من أجل تغطية مصاريف شراء الجرائد اليومية.
وكتب الشرقاوي في تدوينته:
“فضيحة اللهطة والسقاطة ديال البرلمان
درتو بون المازوط قلنا ما كاين مشكل
درتو بون الطاجين قلنا ما كاين مشكل
درتو بون الاوطيل قلنا ما كاين مشكل
درتو بونات الاطوروط والماشينة والطيارة قلنا ماشي مشكل
ديروا “بونات الجورنال”، هذي بزاف هذي ابو لهب ويوقف ليها مذهولا.
واش عارفين ايها الناس ان نواب رئيس مجلس النواب اللي فيهم اللي وحدين تيخرج فينا عينهم ويحاربوا التحكم ????????????تيحصلوا على 1200 درهم شهريا على الجورنال اللي ما تيقراوهش وما تيشريوهش وتادوز ليهم فالحساب مع 7000 درهم على التمثيل في المكتب و 35000 درهم على تعويض النائب.
واش اعباد الله وصلت السقاطة حتى يحصلوا برلمانيين على 24 الف ريال ديال الجورنال دون سند قانوني. اخاف شي نهار يدير البرلمان شي تعويض على العطسة او تعويض عن المشي داخل المجلس. اعطيوني جلابتي والله ما تعرفوني فين مشيت”.
